فى محل فك نفسي من مليله =يوم تظاول اهموم الظايلات
والتحمت ابعينيه في اللي صهيله =كن صوته صوت خلى ظاويات
وقفه من شاغله واهوه كفيله =بامر له كل اصعاب طايعات
ثم حول واللرض من دوس ريله =صيرتا م اللراض الزاهيات
قلت له من جافي مابه ادغيله=غير قلب ممتلي بالطيبات
مرحبا يا نور ذا الدار الجليله=هالزمان وفي السنين الماضيات
شرفت بك لو قبل ما هي ذليله = وانورت بك واستوت م النيرات
سعدها يلمع وكل يستخيله =صار باسمك ذكرها في الشامخات
كنت ممن بالرضا حف ابنزيله =باخترام وبابتسام ومكرمات
في العوايد عاداتك فعل اليميله =بالصخا وامحاول في الطايلات
هوب كل من بغى حمل يشيله =رام شيله من ايشيل الراسيات
بش وجهك يوم تضويك الدبيله =عانيات وعاديات ومنكفات
بالعسر والصوع قضن كم ليله = لين تمن ناحفات ظامرات
من لفن مع من صخاه ومن يميله=ما تغير في السنين الممحلات
خاز عنهن عسر ليام الطويله =من غدن جدام بابه نايخات
قرب ابهن من تفرد بالفضيله =في سبلة عدها للنايبات
له برزة ما بها نفس ثجيله =غير بالطاف النوس الصافيات
حافينه طيبن ترتجي له =إخوة له كالبروق اللامعات
يا ملاذي كلما حلت عضيله =من حوادث ذا الزمان الطارجات
يعل من هو صغينا ندعي له =وانتوسل بلعمال الصالحات
يرتفع مجدك على من ينتوي له =م العدى وايسلمك م الحادثات
ألف صلى الله على من له وسيله =عند ربه للعباد وموهبات