قصر بني في عصر اسعيد =يعلى شر وايامه اسعود
نشر الرخا وانعام اتزيد =والخير يزايد وما يود
وغنى حمامه بالتغريد =بفراح وجت ما به انكود
بامر المطاع وطايل الليد =شيخ الشيوخ ومأخذ الزود
لبس المهابه والتمجيد =منتوب له من ماضي ايدود
واخوانه الغر الاماجيد =صلفين في الحزات وافهود
صنعه افهيم في اللساتيد=ما في اقياسه بان منقود
قام ابنصر من رب امريد =غم على المبغص ولحسود
يعل الاصايل حوله اتميد =خيل وهيان وحلب الذود
فيه العذارى كنهن صيد =رتع ابروض معشب العود
نزه العروض وتلع الجيد =واميدلات والهدب سود
لبس المزاري والتيديد =وامخورات صنعة اهنود
ليام معهم كلها عيد =دامت عليهم بالهنا اتعود
والهم ترحيب من ابعيد =من قبل تطرا كلمة الهود
كم حصل الشافي من الميد =ما ينثني فايل ومردود
من نغمة من غير تهييد = والبن والارياح والعود
داموا ابوجت خيره ايزيد =وابحال يسر خيره ابزود