الدهر يتفاخر إذا قيل سلطان=بن زايد السامي سمت به المعالي
والشعب يتقدم بحب وعرفان=بدى الهنا حقك وحقك يوالي
والكل قدم لك مواويل والحان=وآيات شكر يا عزيز الرجالي
والشعر للشاعر دليل وعنوان=والشمس في وجهك تنير الليالي
ياولد زايد ياذري كل خيفان=يالحيل يا الحلحيل حامي التوالي
أفراحكم لمت حضور وبدوان=كأني بهم في يوم حرب سجالي
الله يثبتكم ومن ضدكم هان=قدره وهو يلقى وخيم النكالي
طالبت من سوى عظيمات الأكوان=تحيون في عز بليا زوالي
تبقون في صحه على مر الأزمان=كل يوم لا بتكم تقيم احتفالي
في دولة دمتوا لها عز وأركان =إلكم على كل البرايا نوالي
هنيت بالتزويج وتعيش فرحان=وتصعد إلى الشامخ بكل المنالي
قدمت لك باقه من الورد صفطان=سمط القوافي به فريد اللآلي
ياعز للدوله ولابة نهيان=يا الحازم الجازم بفعل ومقالي
ينصرك من علاك بالمجد والشان=ويمد لك بالمكرمات الغوالي
اسمك على الدوله معزه ونيشان=يا ولد كساب الثنا والمعالي
حملت شعبك من جميلات وإحسان=شي يفوق الراسيات الجبالي
يال الماطر الهتان يانور الأوطان=يا الحر يا ابن الحر حييت عالي
يا هازم العاتين في كل ميدان=يا الظافر الغالب غلوب الرجالي
فكيت ماسور وفرحت كربان=وبنيت مجد السالفين الخوالي
وحليت معقودة عسيرات الأمحان=واستر منك معسرين الليالي
واعفاك عن ذنب المذنبين كرمان =يكسيك من ثوب المهابة جلالي
عاشت يمينك عشت يا الشيخ سلطان=ظل الجميع بيوم ما شي إضلالي
واعذر وسامح في تحريف الأوزان=أن كان قولي في قوافيه مالي
الإنسان دايم في مواقيف نقصان =ويودوم لله الرفيع الكمالي