يالله يا مجري تصاريف لعباد=يا قادر في كل شي تريده
طالبك عبد مخلص القلب وداد =حقك ولك في طاعة الأمر سيده
إنك تقدرني على سوق لنشاد=ما حد غيرك حق عبده يفيده
سقت المثايل نوها حق بوهاناد=سيف الكرم ياحظ من هو سنيده
ياسيف لك حق على روس لأسهاد =معنا وما نقبل نخفض رصيده
ياولد زايد يا حمى ناطق الضاد=يا شيوخنا يا أهل الأفعال الحميده
تخريجكم يا شيوخنا عيد الأعياد=من معهد فيه العلوم المفيده
يا الله عساكم يا زكيين لأجداد=سعد الحياه وكل خطوه سعيده
هينا لكم بما حملتوه يا أولاد=يا أشبال زايد ياصحاح العقيده
وأعذر وسامح ياعلم كل قصاد=ما كل رماي رمى ياب صيده
لكن عفوك ثوبنا ضد الأضداد =هذا الختام وتم سرد القصيده