مبروك يا فخر القبيله نهيان=مبروك يا عزوة رجال الحراير
مبروك يعل الفوز في كل ميدان=يوقع حليفك يابعيد النظاير
مبروك ياكاسب من العلم عرفان=نور وتحيا به منير البصاير
وتزداد به يا شيخ شان على شان=وتحل به عقد اللمور العساير
هنيتكم ياشيخ والقلب فرحان=فرحة من تلقى كبير البشاير
يامركز بالعز عامر وطوفان=جوده مغطي ع المدن والعشاير
دمتو سند ياشيخ وحماة لأوطان=يا أولاد زايد يا زين كل غاير
يا مورد يذهب صدى كل ظميان=كل البشر منه ورود وصداير
سيروا على مسيار زايد ومن كان=قبله ترى يا محنكين الفكاير
جدانكم كانوا على الضد فرسان=وانتو لهم فيكم كبير الذخاير
واخترت لك ياشيخ من باب قيفان=صدري قليل أبيات ما هن كثاير
واختامها طالب رضاكم وسمحان=يابيت عفو عن صغار وكباير