الحمد لله يوم شفناك في خير =مسرور مستانس سليم وصاحي
ياسعيد يافخر الرجال المناعير =ياولد مروين القنا في الصياحي
سكنكم نهيان روس الشناظير= وين الصقر يسكن قوي الجناحي
الدار عقبلك جوها فيه تكدير=وقلوبنا فيها عميق الجراحي
لا كننا نعرف حداث التقادير=ما فيه عن ما قدر الله يواحي
إلا أن شخصك م الرجال الاصابير=أهل العزوم اللي تقود النجاحي
تسلم ويسلم لك كبار ومصاغير=لا به بهم قلبك يزيد انشراحي
والشعر من يخطى الحقيقان تبذير =والقول لي تكثر لغاويه طاحي
واختامها نهني شيوخ وعشايير =بقدوم شوفك يبلج النور صاحي
وأنشد وأغرد مثلما غرد الطير=شادي وأنا اللي في فرحكم أفراحي