قاف المثايل ياني =يوم اهتدان الليل
واتخير في المعاني=للطيب والجميل
واحطه في بياني=عارب فصح المثيل
في طياته تهاني =لأهل الشبر الطويل
قاصد لبو سلطاني=شيخ العز الفضيل
من لابة نهياني=سيف العزم السليل
شاهين من شيهاني=يورد بقو الحيل
قدوه وعز أوطاني=خلوا العاصي ذليل
يوم اتحدى الفرساني=ما بين حط وشيل
متشهر بالبياني=بو سعيد نجم سهيل
وأبارك الديواني=هبل بليا كيل
يوم انتخب سلطاني=حق اعماله وكيل
برج الربع اليماني=نوره يزيح الليل
طالب عظيم الشاني=يبقى عمره طويل
وعطرتهن قيفاني=بالفاخر والجميل
وقدمتهن عرفاني=بالعز والتبجيل
واسال بالسمحاني=سمح اللفظ الهزيل
من جمية الشيخاني =حمالين الثقيل
يعل السحب لمداني =ترسل مخايل سيل
تسقي جميع أوطاني=سيل يدوس أبحيل
تستر به البدواني=ويازم عشبه غتيل
ويطيب للغزلاني =بعد الرحيل أمقيل
يتأنس به الدماني=راعي الزلف الثليل
وقاف المثايل ياني=يوم اهتدان الليل