الحمد لله والشكر غير محدود=رب ضفانا بالنعم والفضايل
له نستمد الخير والخير موجود=عنده وما خيب رجا حق سايل
إنمد له منا مواثيق وعهود=نستدرك الحسنى بكل الفعايل
كنز الرجا حيث الرجا ليه مسنود=وأنجنبه للمخزيات الرذايل
سقت القوافي كأنها الدر منضود =وإلا ورود في غتيل الخمايل
في شفكم يا معدن العز والجود=يا أهل الفروح النايفات الطوايل
يا أهل الثنا العالي زاكين لجدود=يآل ثاني يا ذري كل عايل
إلكم نسب في صفحة المجد معدود=وأفعال تأخذ ع البرايا نفايل
في يوم يوقع فيه شاهد ومشهود=ونطح السبايا بالسبايا الأصايل
يا رافعين المجد بالمجد والزود =نطاحة العايل بحد السلايل
ياما حميتوا بالذرى كل مضهود=وياما كسبتوا من كبار الجمايل
تاريخكم ما فيه جاحد ومجحود=تثبت على هذا كثير الدلايل
وحليفكم نصر من الرب ممدود=وآيات حفظ تحتفي بالوسايل
يوم اللقا ووصولكم عيدنا العود=يابن خليفة يا حميد الخصايل
دولة قطر هلت على الكون بسعود=واستبشرت بك يا رحوم العوايل
واتلبست ثوب بالأفراح مفنود=وقامت تغني بالطرب والمثايل
عاشت قطر عاشت وعشتوا لها وتود=ودمتو لها مر السنين الطوايل
الشعب بالترحيب حياك بورود =وحياك يا مورف ظليل الفضايل
ومن غيرهم قامت تحفاك لوفود =ويتك التهاني من جميع القبايل
باسباب لك ود مع اكل معهود=والله شهيد إني لك الصح قايل
يا ليثنا الشامخ ويا طودنا العود=ويا غيثنا وقت السنين المحايل
يا العد يا الثابت إلى جف لعدود =طرياك في كل المواقف جلايل
سميت باسم يكتسب كل محمدود=ينطق حمد لأنك حميد الفعايل
بحر الندى سقم العدى سم لوغود=حلال عقدات العسام العضايل
ليث تعودت الرجولة في المهود=وصرت الحليف لها على كل طايل
عسى وطن دارك حيا ريف النود=سحب يهرق من كنوفه مخايل
لين الريادي تازم سهود ومهود=واعشابها تشبع سمان وهزايل
تسلم لنا ما دام في الكون موجود=شمس وما دارت بكور وأصايل
واسمح إذا توجد بها النقص والزود=لنك حليم القلب عن كل مايل
ربت بها نقص ولا هوب مقصود =لإنسان له كل الخطايا زمايل