يا مالِك الروح رحمه=لا تستوي لي ظُلومي
خلّيك تعطِف عليّه =ويكون قلبك رُحومي
وامنح لقلبي حنانك=خلّ الجفا والخصومي
والطُف بحالِة شبابي=سِيدي ويِعلك تدومي
لانّي بحبّك متيم =في شفتكم عِفت نومي
يَمضي نهاري و ليلي=بالوسوسة والهمومي
تارك جميع المساعي =ما اسير أقضّي لزومي
كلّه سببكم عليّه=انتو شفاي و سقومي
يا بو جديلٍ تحدّر =فوق الردايف ردومي
من كل طيبٍ يِعلّه =ويسرِّحه كل يومي
دِعج النواظر كحيله=والخد برق الغيومي
من شاف صدرك تعجّب =فيه النهايد زمومي
والعنق بلّور صافي=والخصر نحلٍ هضومي
والله لولا وِدادك =له في فوادي رُسومي
والذكريات الجميله=ومعاشرتك ولزومي
ما صِغت نظم القُوافي =ولا بحت سدٍ كُتومي
ولا قِلت رِحماك فِيّه =لا تستوي لي ظلومي