يا كحيل اعلين والخدّ اللبيب=حالفٍ بالله آنا ما انسى هواك
لانّ حبّك ساطي لي يا الحبيب=ساكن في مهجة فوادي غلاك
غيركم بالله أنا مالي طليب=لا ولاحدٍ يسلّيني شراك
إنت مقصودي وحظّي والنصيب=وإنت قلبي باع غيرك واشتراك
إنت قلبي يالغضي خذته نهيب=وامتلكت الروح وامست في يداك
ما يجب يازين تجعلني صويب=قاطعنّي ليش ما جاني نباك
إنت لوّل صاحبي واقرب قريب=وكيف هذا اليوم تخلف مستواك
يا عديم الجنس والبيت النجيب=كم تنادمنا الهوى في الوقت ذاك
كم شربت الراح من مبسم عذيب=وكم نعشت الحال من لمسة يداك
يوم قلبك طايبٍ لي مستطيب=ما سمعت القول لو حدٍ وشاك
الآدمي يصبر ع مجفاة الحبيب=وكم أنا يا خِلّ بتحملّ جفاك
انت ذخري وفيك ظنّي ما يخيب=اعطف بحالي بفضلك واحسناك