يا ليتني شاعر واعِدّ القصايد=بقصِد في حلوات الخُدُود الرهيفه
لكن بيني والشعر ألف كايد=مثل الوليف اللي نفر مِن وِليفه
محصود فكري في ضميري حصايد=والنفس من عيش التباعد مِعيفه
آهديك يا حلو الصفات الفرايد=يا من شِفاتك تعتِلي كل شيفَه
يا من على مثلك تهون الشدايد=نقبل بها لو هي بدتنا كِليفه
ما سجّلوه اسمك بصحف الجرايد =تحت الحجب وين العُروض النظيفه
قلّدتكم مدح ٍ وسام وقلايد=يا قِمّة فروع الغصُون المنيفه
بشهد ومثلي ناس تدّي الشهايد=والعود وضيوفٍ تكرّم بضيفه
انّه كما شخصك قلالٍ عدايد=يا طيّبٍ حاز الخصال الشريفه
ويا ليتني شاعر واعِد القصايد=بقصِد في حلوات الخدود الرهيفه