الطرف مني دوري الدمع سرمدها=في صفحة الخد مثل الخط جمدها
والعين صارت تشاكي كل من شافت=م الصبر ملت ومل الصبر عودها
تزهم على النجم تبغي النجم يتقرب =وتنادي الطير تبغي الطير يسعدها
يا معانس الروح هذي الروح مشتاقه=عسى مباديك في الضيقات ترفدها
ما يرقد الصب يوم الحب في قلبه=يسهر مع الليل والونيس فرقدها
يتونس بنار شوق الحب في ضلوعه=ويسج بهواس ما أقربها وما ابعدها
يبعد عن الناس لو هو بينهم جالس=ويعالج احوال صعب يلين جلمدها
يا معاشر الحب هذا الحب طيحاته=سهله مباديه بس اخلاف ما انكدها
تأخذ من القلب لين القلب يتولع=وتعذب الروح في لاهوب موقدها
ما يشتكي ذوق طعم الحب وحداني=مثلي ملايين هذا الحب سيدها
كم شاجع تاج نار الباس من رأسه=للخرد البيض نار الباس بردها
ما تترك مود بين هموم وحسافه=وانته مباديك للضيقات توجدها
يا قايد البيض شوف الود هيضني =واستنفر امثال مني ليك سندها
نستعطف القلب منك نريد للطيب =يا معود الطيب رحمى الطيب عودها
وإلطف على صب قلبه ما يبي غيرك=والطرف مني ذواري الدمع سرمدها