قاف القوافي في رضاكم=ينساب كنه سايب السيل
ويسير مستانس يباكم =خاضع جناح الحب تذليل
لا يعدم الله من شراكم=يا أهل الوجيهات البهاليل
الضيف لي حل ونصاكم =ينسى التعب والهم والويل
ويحل في ساحة حماكم=مبسوط لو حمله مثاقيل
يرتاح من بسمة لقاكم =بسمه تزين قابع الشيل
لي جيت باسير قداكم=لقيت من الأسباب تعضيل
يالله عسى يسقي وطاكم=من ساحب يوده هماليل
يا لين يتغاسى ثراكم=باعشاب وتسوي مظاليل
ترعى العوانس من حذاكم =وتعيش مرتاحه في لمقيل
وان سير اللافي يباكم=يشتم عطر الفل والهيل
ووأنا على شيفه لقاكم=بدفع بقو الكيل والحيل