خل التنافر خل عنك التحدي=خل التباعد خل عنك الخصومه
انت الذي من جملة الناس بدي =حبك معي لا زال واضح رسومه
فيك الرجا وانته نظير التجدي=وان خنتني من لي تباني ألومه
وردك زهوره في ضميري مسدي=وع الرأي تاجك زاهيات نجومه
ما أنا من اللي للحبايب يصدي=ولا انا من اللي ما يصحح علومه
يا شمعة نور سفرها مجدي=يجلي عن فواد المعذب همومه
فيك انذخر كنزي ومضمون ودي=يا ريم قايد في الفلايا ريومه
عسى أن قصدي ما يضده مضدي=عندك وتتلاشاه نفس رحومه
يا بو جديل فوق الامتنان هدي=مبخوت من ينشق شذايا شمومه
إبعد ولكن في الحقايق مردي =حقك ولا لي في البقايا لزومه
ان باشرتني منك كلمة تفدي =يفطر بها قلبي كما عيد صومه
ولا يقال فيما قلت فضيت سدي =كلمه تزيد للعواطف نعومه