لقياك فيها بهجة النفس والروح =والقلب يتونس بلقياك يازين
لقياك فيها فايع الورد منشوح=ولقياك فيها طيب زين الرياحين
أنستنا يا منور الوجه بوضوع =يا مقرن الحيات يا مريش العين
خديك برق بعاتم الليل ويلوح=بالمطلعي من تحت برج الميازين
لو بالمسام تسام بيكون مربوح =سعدي ولو قدمت روحي مثامين
فيك الغزارة والشرف مبعد الصوح=بعيد عن ظول اليهام الخفيفين
أرتاح يوم ألقاك وإن قلت بتروح=يضغط فوادي ضغط لفراق لمحين
في مبسمك حلو الدرر فيه منشوح=والراس ضافي من على الأرداف رضفين
حبيتكم حب مدى الوقت مفتوح =واخترتكم بين المزايين يازين
اسمك خفي ما أروم أحطه على اللوح=خوفي الحسود يكثروا بي دواوين
في اليوف في الخافي في لفواد مطروح=بين الحنايا قرة القلب والعين
سامح إذا تلقى غلط وانت مسموح =يا دانة عجز كبار المثامين