شقت علينا من فضاها حجبها=وطلت علينا شمس نير سناها
وخلت هدفها قلوبنا تنتهبها=وتبرم قضاها من مفاتن غضاها
الله في عون اللي يصيبه سببها=يدله من فواده بساعه يراها
شمس وكساها الليل ضافي هدبها=يا زين تحت الليل باهي بهاها
يا بخت من حظه قريب إقتربها=أم الجمال اللي يسلي غواها
جاذبتها طرف الكلام اجتذبها=قصدي أحقق من حلومي مناها
ردت علي بقول يخبر بأدبها=لطف رقيق فيه صافي نباها
قالت علامك با معدي شببها=عشقك من قلوب الغواني تناهى
الشيب في اللحية بصبغ خضبها=واعظاك ظني قام يضعف قواها
قديم البريسم قوي هدبها=والصوف يضرب في جديدة خباها
قالت كلامك صح تكفى عتبها=يا شاعر بيض الغواني هواها
النفس تهنا يوم يحصل طلبها=حبيبها بصباه قارن صباها
واحسن لك الراحه وترك تعبها=وترك شموس الحب ترعى بسماها
قلت اسكتي قولك لنفسي غضبها=عقب الصفا عاكس كلامك صفاها
النفس طفلة منتداها لعبها=لكنها تسمع نهي من نهاها
وانتي على نفسي كثرتي شغبها=وقمتي على وضع المشاكل معاها
حقك بحبل القو حبل جذبها=في نورك الداني تسارع خطاها
مني سلام عد ساري سحبها=ديمومة عتما تفيض بماها
وشموسكم ترعى بواكد عشبها=وأدباشكم رتع بفالي فلاها
يا منتهي نفسي وغاية طلبها=العين بعد النوم ياها قذاها