قصيدة ( الوقت يلبس )
الشاعر : خميس حمد الكعبي

الوقت يلبس من صفاتك عباته=وش عاد يومك إن تجمل بماضيك
الناس تشمر والمغني صفاته =جم المعاني وإن قصوهن تلافيك
وإن ضن حبر والورق ضن هاته =على جدار الوقت بكتب معانيك
وإن طال شرحي أو قصر من ولاته=إنته عريب القول دايم مجليك
عود الشجر من جذع أمه مقاته=والأصل وصل في فروع حواليك
والعز نجم في سمانا لفاته=عذر تبرع وأقبل العز يعنيك
بوسيف عذرك ما قصدته نباته=في بحر شعرك غربلتها سواقيك
ماني بحد القول والقول عاته =بعد النظر خاله بفكري معانيك
من سالف الأيام طير بسماته=قصر المعزه حاضر كان ماضيك
واعذر صدوق القول صدقه صفاته=إن كان قصر كيف يقدر يوفيك



قصيدة ( اسمك على فعلك )
رد الشاعر : محمد بن عبيد بن نعمان الكعبي

حي الكتاب وحي طيب كلماته =ما غنت البيض الغواني بغانيك
طمن فوادي في جميع حركاته =واثنى على شخصك نديم يحييك
رد الجميل ورد قاف شراته =الاثنين حقك يابن الأمجاد تنصيك
يابن حمد فيك الشموخه وذاته=اخوة رضاع وربنا لمهم فيك
لبسك رب العز درع الثباته=يحمي مواقفك النبيله ويحميك
والشعر عندك مثل نيل وفراته=عباب والشاهد فصاحة مباديك
ما يدرك المأمول رجل رتاته=الا الذي مثلك شجاع ودريك
والسبع لو يشرب حليب امهاته=ينقال سبع ولا يهاب المهاليك
والرجل نبته هوب حبه نباته=يطلع شميمي لو يذلك ويدنيك
والطلع يطلع بين شقة نواته =يغنيك م الحاجه ولي كلت يهنيك
والسيف في غمده مديمه حياته=وان خذت به في ساعة الضيق يشفيك
يابن حمد مثلك كبار غزاته =للكون غزاي وتحمي أراضيك
موقفك من قرب الثريا صفاته=وفعلك مع الحاضر دليل بما ضيك
ماشي على رسم قديم رفاته =فعل الجدود اللي مضوا واغرسوا فيك
صنع اليمايل والشجاعه سماته =شي خذوه أهلك وشي بقى ليك
ومن يغتزي بك ما يهان بغزاته=اسمك على فعلك وربي يخليك
والكل منكم مهتواتي رضاته=قصدي بما يرضي خويك ويرضيك
ولو طال شرح القاف مني قناته =انت على القيفان تعلو معانيك