سلام لك يا قرن يافور=عليك يوم أمر طايف
تاريخ لك في الصحف مذكور=ويذكرك لي تحت السقايف
اليوم طحت وصرت مخطور=عليك من القزاز خايف
مربى الدمن والريم لقفور=الناس تضرب بك وصايف
ياما خطف مهضوم لخصور=الغر مسمر العكايف
مرح وكنا عنده حضور=واثنى تراحيبه رضايف
ريح العطر والمدخن يدور=والشم من طيب الصنايف
وطر مضى لي خطف عبور=اقفى وفرق بالولايف
ياحميد يوم أصبح مجبور=القلب متكلف كلايف
مكتوب واللي يكتب يصور=عن لي كتب لكهوب طايف
ماتنفع المنوى ولاحذور=ياليتنا متنا ولايف
في قبر واحد بين لقبور=ريم غدا ماله وصايف
حشيم عند اهله ومستور=واللي بصبغ الروج زايف
رخصوا مهرهن قبل لا يبور=كتبوا وبيعوا بالنصايف
غير السنه بيحطن نشور=في الحب بايمشن ولايف
بدحه كلت يا سعيد هامور=هاتوا فسرها يا عرايف
في كل يوم اتلف وتدور=من الحوت لاقرن هوب خايف
يارب تنجيني من الجور=يامقوي عزوم الضعايف