قصيدة ( يا منبر الشعار )
الشاعر : سيف بن محمد بن نعمان الكعبي

لج الشعر في خافقي من شتاته=واحيا عروق منهكات محاليك
بين الأمس واليوم ولف حتاته=والروح ردت يوم كان المثل فيك
جهم عسام خالفن محكماته=لابد ما يرضي وليه ويرضيك
وياك لو في سرمد محلكاته=بقبل اخطاك ومداسة أراضيك
لنك من الرحمن رحمه لذاته=نسلك ونسلك خالطنه معانيك
صب الشعر في كاس زدني وهاته=بنهل عسى يا معلمي به أجاريك
يا منبر الشعار قبلة جهاته =يا مفلفل صعاب الأمور الشرابيك
دل الضرير اللي مضيع وطاته=درب السهاله يعل ربي يخليك
والذر من قلب تزيد هفواته =والعذر واجب والسماحات بيديك
وان كان شعري مات بين كلماته=انت الذي تبقى ودوم والعوض فيك



قصيدة ( الشاعر المغرم )
رد الشاعر : محمد بن عبيد بن نعمان الكعبي

قطر الندى هلت بريف نداته =يطفي ظما قلوب العطاشى المهاليك
ويطيب روض البر منه وفلاته=والبلبل الغريد صوته يشجيك
الشاعر المغرم بدت له بداته=في صب قاف القاف شاطر وسبيك
ابحر على بحر بعيده مداته =فهمه بعيد عن أدراك المداريك
لا هان يتني في الرساله شكاته=بابيات مطلعها نسيم يغذيك
ويجلي عن الخاطر مغازي غزاته =جيش الهموم اللي حموه بشبايبك
للطرس خذت وللقلم مع دواته =باكتب ابيات الرد مرجع قوافيك
ياسيف ياحامي توالي حماته =اهلك وجيرانك ومنهو يخاويك
عليك في كل الأمور الثباته =واحذر على انك يوم تقطع عراويك
دار الصديق اللي حياتك حياته=واذخر صديق الضيق ذخرك لأهاليك
مترى الرجل من باع الأصداق فاته =قصد المراد بيوم وقع المهاليك
وامك وابوك وكل من بك صلاته =خلك ذليل جناح للي مربيك
وقولك على فعلك يحقق وفاته =تحيا على لجلال والله يعليك
ومن يعتزيك اعزاه واهزم غزاته=لا تخاف كاس الموت فالموت بييك
ماشي عمر توقف مبادي حياته=من قبل رب العرش للموت يدعيك
واكرم غريب الضيف واحرز مباته=متراه لي من سار لا بد يطريك
وجارك اذا جاورك ضفي ضفاته=بالجاه وابعد لو بغى ابليس يغويك
لا تجعل النقال ينقل هفاته=بالقول في خلفك يذمك ويشنيك
هذا ابوك وليك هذي وصاته=والله بثوب العز والجاه يكسيك
قطر الندى هلت بريف نداته=بابيات زانت من محاسن قوافيك