قصيدة ( بو نعمان راعي الجميلات )
الشاعر : سلطان بن حميد بن مالك الحارثي

سلام لك يانبع عد المروات=في نظم جيلي والبيوت النظافي
من لب خافي م السدود الخفيات=من بين صفات الضلوع الرضافي
أزف لك أزكى التحيا الجزيلات =مقرونة بالطيب من قلب صافي
عساك تقبلها على كيف ما جات=واسمح اذا صادفت فيها اختلافي
ماني بشاعر م البحور الغزيرات=لي تنخضع له ف طوع امره القوافي
يا غير لي هز الشجون السكينات=واتحركن قلبي شعوره الرهافي
لقيت لك يا نازح الصيت سمعات=بين الحضر وسكون بدو الريافي
تضرب بها الأمثال في كل حالات =اشهد علومك يا الكريم السنافي
حازت على طاري المعزه بطولات =فخر المجالس خبرها دوم وافي
من غرب قاصي حد دولة الأمارات =يالين عدى شرعها بر نافي
اصيل لك من سابق الوقت رسمات=طيب وساسك م القروم الأشرافي
يللي لهم في ذروة المجد رايات=رفت على كل راس عالي المشافي
يافاتح للخير جمع الوسيلات =يوم البخيل يصيب كفه ارتجافي
لك شاهدات دون مدح وبيانات=وسع المجالس بالرخا والمضافي
باقي لكم رسم على صدر لوقات=بالطيب والمعروف مالك موافي
نفسك عليها ريت تشهد علامات =ربي كساها م السخا ثوب ضافي
ما جيت متكبر وماخذ بزمات =متواضع في كثر معطي المعافي
هذى كذا عادت الأحرار ذربات =ياكسابين العز مقبل وقافي
يا الشهم بو نعمان راعي الجميلات=يا خير منصى كل غريب ولافي
ترحيب صادق والخواطر وسيعات=اوسع من برور المتاما الفيافي
الشاهد المعبود رب البريات =اكسيتنا من خير جودك لحافي
ما قلتها لي شف مطمع وارادت=يشهد علي الله ربي المشافي
يا غير بونه المدح سنه وعادت =في الطيبين اللي لهم قدر وافي
هذا وطالب من جنابك سماحات =في ختم جيلي كان ريت انحرافي



قصيدة ( سلطان يا ذخري )
رد الشاعر : محمد بن عبيد بن نعمان الكعبي

يامرحبا ما ترنم الورق بصوات=في راس شامخ والنسايم انظافي
يا مرحبا مقبول منك التحيات=قبلة حشم وابهن ارحب ارضافي
يا الشاعر اللي ما بدت منك هفوات =نهر عذيب طيب الورد صافي
شعرك على الشعار ليه امتيازات=وافي ولا شي صار فيه اختلافي
من لابة فازت بكل الشهادات=في الرجوله وانتساب القوافي
سلطان ياذخري على كل حزات=يوم المصادم بالسيوف الرهافي
يا الشامخ الظافر بعزم وشوفات=غنن بذكرك ساكنات الريافي
حور البوادي طيبات ونزهات=ما يطلبن غير الشميمي السنافي
في قربهن اسنه وكيفه وراحات=ثوب الستر معهن مدى الوقت وافي
ربي كساهن م الشرف والجميلات=طبعن على اطباع الرديين نافي
افرح يلي ين من طرفكم رسالات =قرم يخاطب للقروم الاشرافي
يللي لهم في ذروة المجد حومات=إلهم مواقف بالرجوله تشافي
رحبت بك يا اسناد في كل حزات=وقلبي من الفرحه بداه ارتجافي
يا الحارثي لا هنت في طول الأوقات=لك في الرجوله بالشرف ثوب ضافي
يا الحارثي يا منتدى كل عزوات=يا الحيل يا الحليل ما لك موافي
قبلك على حمل الصعوبات ثبات=شهم شميمي تاخذ الحق ضافي
تاريخكم نور على هام الأوقات=خصيمكم يفقد أرقاد المعافي
للحرث ما بين القبايل سموتات=وخبر يزعزع كل مقبل وجافي
لا حقهم يقدم ولا فوتهم فات=من خلقت الدنيا ذرى كل لافي
يسقي وطنهم ساقي اليود ثبات=سحب يغطي واسعات الفيافي
يغشي احضونه رايق النود زافات=عشب وترعاه الريوم الولافي
ولد الوضيحي ما بدت فيه خوفات=مأمن ويرعى من خضير الأطرافي
يرعن قفر عشبه حلاو القذيلات =بيض النحر ومعكرشات الازلافي
تلقى لهن م الطيب ريحه وبنات=بين الطبيعه في حضون الخوافي
إلهن على الحشمه مسيره وجيات =ولهن فرح في مقابلات الأضيافي
تسحب على ردونه انواع الكرامات=في موطن ما جاه فصل الجفافي
قلب معشوق الحب ما نام ما بات=بين الربوع وبين بدو الكفافي
سامح خوي الجاه في نقص الأبيات=واعفا اذا شي في الكلام اختلافي
خقك معي ثبات ما هو بهبات=يا الوافي الوافي على كل وافي
وانهيت نظم القاف بازكى التحيات=وجدواك بالتكريم زاد انعطافي