حي بنداكم يامنى الروح حيه=اشتاق له سمعي وفرح فوادي
يابو عيون ناعسات غضيه=سود الرموش اللي علاهن سوادي
وخدود برق لا وقت عشويه=يوضي سناهن واسعات الريادي
للسولعي عندك هداوه وطيه =بالروف مشيك ياثقيل العنادي
ودي تنال العين شوفك شوية=وارتاح بك من ويق حر الصهادي
وامد لك مني بحاجه خفيه=حاجه شرف ما هوب حاجة فسادي
صوتك غزا أمريكا يسائل عليه=عاشت حياتك يانظيف الودادي
غرسك من الطيب رباحه شذيه =يابن الكرام الطيبين اليوادي
عسى حياتك في شراغه هنيه=مبسوط من دونك تموت الاعادي
في ظل دار بها كبار الحمية=من بيت مكتوم الرفيع العمادي
نقمه على العايل ولقمه هنيه =فيهم على المخلص كريم الأيادي
دار الوصل فيها سبوع الرسيه =دون العلا ما يطلبون الرقادي
أكفوفهم حق البرايا سخيه=وأخبارهم مع كل حاضر وبادي
واعذر إذا تلقى بقولي خطيه=يامن على شانك نشيت الإنشادي
م العين مندوبه إلى الراشديه =ومنها إلى شخصك نديم الفوادي
أبيات سندها فوادي تحيه=يشذي شذاها طيب مسك وزيادي