تجاذبت بعيون أهل الدعايا=كحيلات الرموش السولعيه
غضيضات الصبا ولهن صبايا=عذيبات اللمايا واللميه
ترين في فلا بر الفلايا=بريعان الظليل العوسجيه
إذا بانظارهن لفن قدايا=تروح الروح من جسمي شقيه
تمكن حبهن باطن حشايا=وحلن في السويدا الداخليه
تعاكسني هالحظوظ الردايا=وآلا ياسيف قم ثيب عليه
عسى عذالهم عنهم فدايا=عن وجوه البدور الفرقديه
ليالي وصلهم راحة هنايا=رباحة رأس مالي والشريه
اذا يبغون من عندي شفايا=أقدم حقهم روحي شفيه
سقيم وعندهم يوجد دوايا=علاج الروح معهم والقريه
سقاهم ربهم سحب همايا=تهل اليود وسمي وعقربيه
إلين برورهم تازم بهايا=من أعشاب المطور الموسميه
محرك البحث
عدد قراء القصيدة : 
تاريخ الإضافة : 
