ازكى التحية من ضميري بناها=شروى عبير المسك طيب شذاها
خطيتها وابديتها من موده=توصل إلى شخص كفو منتصاها
شهم بشوش الوجه للكل وافي=نفسه عن طروق الدنايا نهاها
فيه المعاني كاملات شرفها=بين الرجال اعتز باسم وجاها
يلقى ضيوفه بالحشم والتأدب=وأخلاق من غيره قليل حواها
بو هناد نعم وسبعة أنعام وازيد=مدايحي دونه يقصر ثناها
شوفه وشيفه واحترام ومعاني =من لابة تقصر خطاوي عداها
من لابة المري مرر للأعادي=والشهد لمبرد لكل أصدقاها
المكرمين الضيف حالة نزوله=ومكرهين الضد ساعة لقاها
تحية م العين توصل مقامه=وتقدم التقدير له لي قراها
من بيت بو نعمان عني ومني=مرسولة حقه عزيز نباها