علامة مجد والدنيا علامه=ونفس الصب بامجاده شغوفه
يطيب الوقت للزاير مقامه=ويتباهى اذا جا دبي لوفه
بلاد زانها مجد وكرامه=وتتباعد دنايا كل عوفه
وصرف الدهر قلدها وسامه =وسام الفخر ودبي معروفه
ويلقى زاير دبي ابتسامه=مضيف حف بالواجب ضيوفه
تعود سوقها يعمر أعوامه=بتسويق يحاير بك وصوفه
بها العالم كما يوم القيامه =صنوف الناس تأخذ من صنوفه
يشوق سوقها الزاير نظامه=يطيب القلب للزاير بشوفه
بحكمة شيخ ولاها اهتمامه=كما الدره تحضنها بجوفه
وجنبها المكاره والندامه=ولبسها لباس العز نوفه
بها مكتوم حيزوم الزعامه =على هام العلا سجل حروفه
له عضود تحلوا بالشهامه =مواقفهم نقيه ومعروفه
مواقفهم على اللاشي تهامه=وللمحتاج سحابه هتوفه
بوادرهم تغذيها الفهامه=على الصالح تسيرها عروفه
عليهم من رضا الباري سلامه =حماة دبي فيهم كل شوفه
سقاهم من حيا الوسمي غمامه=بها البراق تتحارب سيوفه
اذا دن رعده زاد انسجامه=يفيض ماه من ساحب كنوفه
وتلقى البر من سيح وعدامه =عشوب ثايره غضه زغوفه
مشكل فيه من زهر وخزامه=جميل يميل بالناسم طروفه
توالف فيه غزلان وحمامه=وولد الريم ماشي فيه خوفه
يسيح مريح في بر السلامه=عليه حياب ما حد يحوفه
وهذي دبي والشاعر كلامه=يهنيها وتتكامل وصوفه