سميت بالي خالق أصناف العجب =في عالي الكون العظيم وسافله
قلت المثايل باشتياق ومن طرب=في شف من غطى ضميره يادله
الوجه كنه بدر من تحت الحجب =يقطر حيا ماي الجمال بكاحله
كنه من الفضه مطشش بالذهب=وإلا زهر لورود تضحك باهله
لحداق ما فيها تجاعيد وعصب=والعنق ريميه تبدت يافله
حكمه على حكمي تميز بالغلب=كم فارق بين القتيل وفاتله
وإن مد كفه تنطفي نار اللهب=لو هي بجاشي في الضماير شاعله
وأنا معي كلمه ياشعار الأدب=لغز خفيف ما يثقل حامله
انشد واسال لكم وسمحوني العتب=إن يات حذفه من كلامي ما يله
عن بنت لا هي من أشجار ولا خشب=ولا هي من أصناف الوحوش اليافلة
ما في لها أم ولا جد وأب =بس اسمها من أصلها مستاصله
لا هي من طيور ولا هي من نسب=وتحبها قلوب البرايا كامله
ما تلبس ثياب ولا ترعى عشب =وإن فضها حد توفت ياهله
ما تشتكي من خدمة العالم تعب =الكل يفرح يوم هي بتقابله
يقعد ويوقف فيه ناموس وطرب=في واسع الدنيا تراها راحله
طلابها يلقى المصاعب والتعب=يالين يحصل ع الشهاده الفاضله
إلها اسم من جبة الكون انتسب =وهي من انتاج الرياض القاحله
إن دقها الناسم إتباهت بالشبب=وان دقها اللاذع تبدت ذابله
هذا بما دار بضميري واستتب=واللغز تفسيره مبين داخله
أرجو السموحه والسموحه تنطلب=والعاقل الفاهم يفهم جاهله