من المطلعي هبّت نسيم عِذيّه=تشفي العليل وتبري جراح لقلوب
يمشي هواها بالامطار الهنّيه=ويثور بعد اسبوع من ماه لعشوب
يرعى به اليادل حِلِيو الدِعيّه =يللي ضفا قناعه على ترف لينوب
ترحيبه بحِشمه ونفس ٍ سخيّه =تبعد عن الخطلات واسباب العيوب
ربّي عليه أضفى الستر ع البغّيه=ما يرمس الرامس قوافيه بعتوب
ومني على جمع النشاما تحيّه=تفوق دهن العود عَ الخدّ مصبوب
انا بنشد العِرّاف شِنهي وصيّه=من واحدٍ فاقت ذكيّين القِلوب
ردّوا عليّه يا هل القلوب الذكيّه=يللي لكم في باب لالغاز مطلوب
لا هي من ابن آدم ولا من نبيّه =ولا هي من الجنّ ولا هي من الطوب
ولا هي من أملاك السمات العليّه =ولا هي بشرط الخط في الشرع مكتوب
من حلّ هذا اللغز مِني هدّيه =واكبر من التقدير له جاه محسوب
اذا كان فيما قلت عتب وخطيّه=طالب سموحتكم وانا اقول باتوب