الحمد لله ما عليّ انتكاسه=اللي خلقني هو كفيل اِحتراسي
من غير ربّ العرش كلّه تعاسه =خلق كما خلق وهم من اجناسي
إذا دفع ربّي عن الحال باسه=اَعيش بين الناس مرفوع راسي
كلٍ يفصّل من ثيابه قياسه=وأنا معي حسب التصرّف قياسي
من عضّني قبضة مخالب اضراسه=حطّيت راسه تحت جِبّة مداسي
من حطّني من بين طيّب اَجناسه=حطّيت دونه في اللوازم أنفاسي
ولا بي وَغَش غل ولا بي خساسه=لكن صاع بصاع هذا مراسي
كل غارس يجني حصايد اغراسه=وانا معي صنع الجمايل اغراسي
أريد حقّ الكل خير وأناسه=يا سامعي هذي دلايل إحساسي