دك الشعر دكة مواهيب لا مثال=وحطت عليهن في الصحاري علايم
وأمسى ربيع العز في هم ولوال=يللي على الفرقا يعض الندايم
فيك العزا يا منتهى عز الأبطال=ويا من عليك من الرجوله وسايم
يا من لصعبات المواقيف حمال=وعندك على شد المتاعب عزايم
يسقى ثرى قبرك من الغيث همال =ويكون خلدك في جنان النعايم
في عالي الفردوس في ظل وظلال=والحور تضحك جاليات اللثايم
يا الله بصبر يقتفي حق لعيال=ولهم عزا فيكم يابو قسيم دايم
عزيت نفسي فيك للهم نقال=عزوة مخوه ما بدتها هزايم
وعزيت ربع فيك ظفرين الأفعال=في يوم يقسم للرجوله قسايم
يا روضة بالخير للخير فعال=ويانصوة كبار الضيوف العمايم
كم ناظر هرق من الدمع سيال =ع فراق شوفك عاف ريف النسايم
صبر على نفذ القضا صابر شال=صبر وعزانا فيك قص الصاريم
لو أنك معي بتكون للرد حلال =وكم لك مثل حلل قعدهن عسايم
دايم على قلبي ودايم على البال =ومخوتك ليها بقلبي رسايم
ما تنسى مخوتك مع مر الأجيال =شعرك معي من ذكرياتك علايم