ضوى الليل واضوى لي اهموم اظاولت=عليه وخلني عويج مصطاب
وكن ابحشايه صالي النار واصطلي =به القلب وامسي ضارب فيه نشاب
هم توزيته وهم وزا الوزا =وهم تحملته ومن عقب عايا بي
لله يا قلب بالهموم مولع =وفكرت كني طايح بحر لنشاب
وش حيلتي وش حاليه من امصيبتي =وش صحتي لي عاد لي حال ما طاب
يا ليل يا جاسم لعيني سهرها =يا مدعي نومي لعيناي حراب
جن الظلام وجن به باجي الملا =وان جن بي في واهي الكور يحمى بي
ما ريت من شاف ونظر كيف حالتي =من ما بيه وامن الوزا الحال ينذاب
من عقب ذا قم يا نديبي اتعنى =وهم المسير وحث للسير بصلاب
يود على صفرا عدا الهين زينها =نسل الوري والام من طيبة اركاب
يشتاق راكبها ابلذة امسيرها =وتنظر لها في زايد السير يداب
صبور على الشدة كتوم لسدها =ولي ضربت في الخلا كييفها طاب
زينة اجبال وفال بالوصف لونها =مزيونة ما بين غيات والعاب
محشومة عندي ولا اعيب ابغيرها =وآوى عليها من تكاليف لتعاب
واهينها لى ما عاد ما يوب لازم =لي رد حاكمنا البرا وثار حراب
حولين مع حول وحول احيالها =وحول كمل خمس على العد بحساب
ما مرحت حق الفحل موسم الهدد=ولاحاطها من قابض اوعاه حلاب
يالله اتبارجا اسنين وتبقى =واقضي العمر بركوبها ابغي واطراب
لي ما ايفري في العمر ظيخ صدره =بركوبهن ما ينحسب شي لو شاب
دع ذا وذا واسلم وبلغ سلامي=على بومحمد صفوة الناس لنياب
وسلم على الوالد ومن هو يعزه =ومن لاذ به من مبعدين وقراب
سلام نصى لمود له من اموده =امراعي يميله باليزا دوم وامداب
سلام حلا واغلا على كل ما غلا =واحلى من السكر بما الورد لي ذاب
بعداد ما ورق سيع مطرب الغنا=واعداد ما حام وكسر حوم لعقاب
ان سلت عن حالي فحالي يسرك =واسال عن حالك ولا شي سهى بي
في نعمة والحمد لله وصحه =من فضل جزال العطيات وهاب
افكر ولا زل الفكر عنك ساعه =واحكي ولا طول الحكي عنك سلى بي
هذا ولا كن القلب لي امعوق=ولنسان ما يعرى من احدوث لسباب
امشيبيني من تركني وباليفا =رماني وأنا له بالوفا دوم رقاب
وش يرمتي لي عاد ما شاف زلتي=ولا عنديه علم اشبه يوم قفي بي
ياليت باينصف بنا قاضي الهوى = وبيرد لي منا بدا الشين واعتاب
ونازم على السابج ابزين ولاما =ونسلو ونازم مستريحين واطياب
هذا وصلى الله على خير شافع =محمد وآله وتبعه ولصحاب
بعداد ما صلى المصلي وهلل =واعداد ما يحدى على اكوار لنجاب