الحمد الله يوم راد ابرادته =عزم إلى بيته وحجة عامها
جدوا لها في حين ما لبت لهم =أم القرى والطايعه علامها
هم السفر عالي الجناب وصحبته =لي عصبته سفر الويوه أشهامها
واعطى لنفسه ما بغت يوم اطلبت =صفط العطا والطايلات أشيامها
هدوين لي نوى بهن واذمرن =وابها الشهود الناظره ولامها
واللي ايباري لي التمت نقوته =م الطيبات الخيرات اهمامها
في حال ما وصل العجير ايلن به =ناس اترحب باحترام كلامها
من عقب فياي الغبيب ازملوا =مواتر تشغل ابها خدامها
ثم اقطعوا بعد جليل ايلا بهم =زول الديار وعاليات آكامها
ابدار هجر لي بها من يلتجي =للواصلين ابطيات اكرامها
ثم نووا حث المسير وفصدهم =وصل الرياض ابمسرعات ايامها
حفت ابهم دار اليمام ورحبت = واتبسمت وارمت استار الثامها
وأنووا إلي دار الرسول ونوهم =زورا خير الأنبيا واختامها
وصلوا حرم خير الانام وسلموا =على نبي من اخيار أنامها
من عقب ما زاروا الحبيب اتوجهوا =بيت الحرام ابوجبات اسلامها
لما دنوا منها وحفوا بارضها =واتبينت منها علام أعلامها
ارموا المخيط املبيين لطاعته =مضرعين ولا بسين احرامها
طافوا ببيته مذعنين وادعوا =تمحى من اعمال النفوس أثامها
ادوا فروض الواجبات ابكلما =يرضي الإله وما لهم حتامها
عنهم عفا كل الذنوب ولو لهم =ما من اذنوب إلا يميل اقيامها
يوم انقضى حج الوفود وودعوا =دار تعناها الوفود دوامها
جدوا لموايه من سما واطوعت =له نجد واهوه للحجاز ايمامها
كل مركز لي مر به حمولته =تلقى مواييب الجرى جدامها
ايلين وافي باليمام وحف به =وآزم نزيل ابقامته لي قامها
نصبت اخيامه يوم خص ابنزلها =يا ذا العجب من قامته واخيامها
رحب ابهم ساعة اتبين زولهم =لما اتبين عقب دك كتامها
منطوق من خافي الوداد وصفوته=متحفي بمباشر بسامها
يا مرحبا يالساعيين بأرضنا =والواصلين ام القرى واحرامها
يا وفد هنيتو بصفطان الرضا =من ربنا كتب لجزا باقلامها
انود لو في كل عام ازورنا =على امرور المجبلات اعوامها
حنا اوياكم من زمان كد مضى =على الصفوه والوداد تمامها
نربا لكم ندرى لكم وانودكم =عنصر اعتيبه من احدوث اجدامها
هذا ولما وادعوه وعزمهم =صوب الوطان انفوسهم واعزامها
مروا بهجر معيلين وراضهم =صحب اعزاز وعارضين اشهامها
من بعد وصلوا للعجير ودابهم = شكر العروبه وازدياد انعامها
ركبوا ومروا لبحرين اواجهو =كنز الضعوف وخصصوه سلامها
نجل الخليفه والخليفه والده =حمد اسرور النفس لي من ظامها
ثم نوى في ساعة سافر بها =في ساعي يهزع ابغير ادوامها
وصل الوطن باكمل سرور سلامه =الوفد كله من جميع الامها
واتباشروا به كل من له يرتجي =ريوى هموع الودق منن ديامها
هذا وصلوا يا حضور على النبي =ما لاح برق في سواد ظلامها