بدا من شكت عينه جليل الكرى لها=تبات ابوزا نوم الملا ما حلا لها
ونفس تكدر عيشا بعد ما صفا =ومن حاله حلت ابها اغتث بالها
عاتبنا وكثر العتب ما يفيدها =وكثر العتب بين ابخافي علالها
تحيلت فيها بالنصايح مقصدي =تهون وعصت ما فاد فيها احتيالها
بها من دعاها شاجيه من مودته =امود ابوده عن من اتود حالها
وقلب تذكر لي ضوى بارد الهوا =على حالة مذكره ما مضى لها
مضى لي زمان لا شقا به ولا عنا =ولا ساعة غثت ابضيجات بالها
وعندي خليل مستخص ابخلته =تنايب ادياره عن امحب نوى لها
شكا القلب من فرقاه واعتاض بالأسى= ليال مضت لما تقضت شكالها
فيا كم انا في سالف العمر زرته =على شد صفرا مبطيه في احيالها
الى شرفت بالحي منها اتقبضت =اعضاها وتمت ذايره من اظلالها
تحانش ابعين للعصا تبغي المدى =تطحيه ابطبع ما ايبين افتشالها
وزرته ابيوم والمواشي ابغفلته =وقضيت حزات ابوجت صفا لها
فلما انقضى وجت الفا وشف ربعي =عن الدار شدوا ناويين ارتحالها
نظرته تكدر خاطره لي وقلت له =لك النفس في ملك على ما تشا لها
فان شيت عذبها وان شيت خلها =على اما ترى وانته تروم العدا لها
ويا صاحبي حل القضا بافتراقنا =ولمات شمل عقبت بانفصالها
توادعت انا وياه في موقف بنا =خبير ويسمع قولنا مع يدالها
نهار سرحنا به دعا مدنف غدا =خلي لخلان نيت ما اينالها
شجي تولع خاطره واهتوى الهوى =ابرعبوبة عد الحسن من جمالها
دعتني ابطول الهجر والبعد واليفا =صويب غريمه م العوامر غزالها
أمضي الليالي واشتداهي ابحبها =وكم ساعدتني ليلة من ليالها
فلا اتلومني يا عاذلي دع سبيلي =ولا تزيد نفس همها من عذالها
انا المعنى في هواها وراحتي =رضاها وصحة حالتي واعتدالها
فلا لوم لأهل الحب لي فيه عاملوا =وعاشوا بحسرات تزايد علالها
لهم من بني عذره عفاف ايردهم =ايحاتون قول في الوردي واتهامها
فمن عاش منهم بالي ومبتلي =ومن مات ما كتبت النفسه عمالها
وصلوا على الهادي محمد وآله =وصحبه وتبعه عد شهر وعامها
واعداد جيل خط في الطرس غرته =بدا من شكت عينه جليل الكرى لها