القلب المشتجي واعزنا له=ايون وم الهير جد ضاق باله
ولاشاف الذي ياوي لحاله=ومن زود الحسف عض البهام
غديت اسير في بر الفلايه=وضيجة باليه زادت ابكايه
وصوت الورق غرد لي احذايه=ومن زود لحنه هيض اهيامي
تبدي الورق واظهر لي شكيع=وكنه شاجي فرقا خوبه
دهاه الوجت وارماه ابرميه=وخلى دمع عينه بانسجام
ألا بالورق وش هذا دهاني=انا ما شفت خلي من زمان
عسى يالورق يسعد لي زماني=ويازم من عقب هيره إملامي
تقول الورق جاد انك يفيته=ابهريه في القفا جادك رميته
وظني عند حساده طريته=ترى الحساد نقال الوهام
الا يالورق لج مني يمين=لو هو بايافيني اسنين
كتوم سديه ما بايبيني=أصونه لو يتم ألفين عام
تقول الورق مطلوبك اصعيب= وانا ما روم وامرك لي اتعيب
ولو بتكون من صوبي غضيب=وليمن سرت مالك بي لزام
الا يالروق خنتي في يوابج وشفت اخطاج أكثر من صوابج
وثرج الا سريعه في انجلابج=وعهدج صار عهد أولاد حام
تقول الورق ما اقدر لك ابحيله=وكم بحثت باسوي ادغيله
ومثلي من ايخلي له سبيله=على لمسير لك مالي عزام
الا يا الورق بكسر لج ايناحج=وداريه ايلنه هو اسلاحج
وليمن كسر بايكثر نواحج=وبتحينين يوم الطير حام
تقول الورق ذا صدق أو مزاح=يمينك باتكسر لي اجناحي
وهو اللي امكمل لي ملاحي=عويني كل ما طال المشام
وعدج الورق كانج تخلينه=انا م اللي اموكد في يمينه
وللي بايخالفني أهينه=وناجل كل مابه م الوثام
اتقول الورق منك ارضى ابشايه=انا بمشي وسامح في امشايه
ومني لا اتسمع م الوشايه=وانا رديت عن عزمي ندام
ألا يالورق في ممشاج راضي=وعنج امسامح ما كان ماضي
ابشرط ان جان تقضي لي غراضي=ابعهد صادج غير اوتهام
تقول الورق عن لتبوح ما بك=انا في اللمر قبضني اكتابك
انا باوصله للي غدابك=ولك بارد مايوبه همام
الا يالورق كانج لي امطيعه= فذا لكتاب سيري به سريعه
ترى من صابته ضربه شنيعه=ايتم امديم ما يقدر اقيام
اتقول الورق ودعتك سلامه=وشفت القلب كد بانت عزامه
عسى في حين يريع لك علامه=وكن له في املاقاته اولام
وسار الورق في جوه اصعيد=وسوى يوم يتعلى وييد
انا تميت من عقبه اوحيد=ومن فرقاه زادت بي آلام
نظرته لين خفى الزول عنا=جدا من هو غدا صوبه اتعنى
وطوف مدته واخلاف ثنى=وبرح ايعد مردود الكلام
تقول الورق لك ييت ابتحيه=يبتا عند بوعين غضيه
جداك اتراه حملني وصيه=اتزيل الهم واتصح السقام
هلا يالورق بردود التحايا=وحي اللي امعنيهن جدايا
وعد الرمل وانيوم السمايا=وعد الوبل وامطور الغمام
اتقول الورق لو عني اتغشى=وقلت ابروف سلم يا سلام
ألا يالروق مثلي من ايلومه=وحبه بينه فيه ارسومه
وقلبي شال هم ما يرومه=أبات أون لي جن الظلام
تقول الورق كم شط روحه=وشقى من وداد الغيد روحه
صويب الود باحت به ايروحه=وعن قوته مع المشروب صام
الا يالورق كم أبديت ذلي=وهنت النفس مرضاة لخلي
وليف ما لضيجاني إيسلي=خضوعي له وطاعاتي حرام
تقول الورق كادك ما تطيجه=افراقه وافتراق عن طريجه
لكنك خل نصحه من صديجه=ايلومه كاد يثنيه الملام
الا يالورق عندي في الحياده=امطيل الصبر يتلوع افواده
ولو يرويك مظهور اليلاده=ايهين النفس واسدوده كتام
تقول الورق يوم اعلمت خله=إيلن الدمع من عينه ايهله
وليمن باز والمطلوب دله=أسمح اخطاه سمحان الكرام
على أمرج يالورق واتممت قولي=وصرحت المثايل في السجول
وصلى الله على طاها الرسول=محمد لي مشفع في الزحام