يا ولد من شاد وبنى في ذرى العلا =وكم وقعة آزم ابها ما صوف
حامي حماه أبلابة ترذي العدى =أبصنع هنا وامحدود اسيوف
أهل العوادي والضواري على السرى =وكم قطعوهن من سواه وطوف
يا ظلتي من حاميات القوايل =ويا ذخرتي لي عاد وجت اشظوف
سها القلب عن لي عارضك في كرامه =والله عليم أما خفا في اليوف
لكن كنا للوعد بالتزامه =وش اللي دعا هذا الوعد مخلوف
دعينا لك الرقبا بلعقال كنها =حبيس ايحاتي من غريمه خوف
ايلي مر خطاف الطرق له اترزمت = تظنه من انوى صوبها بيلوف
وقضت الشانك بالوزا الليل كله =يحرم عليها ما اهتنت بوقوف
لكن هذا دابها عند اهلها =ايوخر حلبها لسنع واشفوف
جاد حد ظاوي من متامه =الا تبيت في الفريج اضيوف
ايفرق لبنها بين شاني ويايع =ايلي عاد حد م اليران اضعوف
بزرانا تروى وتروي اعيالها = واحنا عقبهم نرتوي م الطوف
يظيون لي حسوا بنا بانشا =شفاقة في درها ولهوف
ويلي اتعشوا وارتووا واكتفوا غدوا =كل واحد في مرقده محذوف
واحنا انحمده اللى رزقنا اجبالها =وحمرا تحتا ما لها ما صوف
بنبرها من غالي الطعم لو غلا =ولو بايكون ابزايد المصروف
ايلين يصعد نيها في سنامها =وتبني على ينب السنام ارظوف
ولي مرحت واتبين لقاح قروها =باينرفع عنها مسح لخلوف
والله يلحجنا لتيفان مخضها =وابرازها عن كل حسود ايشوف
وصلوا على خير البرايا محمد =نبي ابكل المومنين رؤوف