قال من رد المثل عونه=يا فهيم في تماثيله
يا رجا من خابت اظنونه =وافتكر في قل تحصيله
لي شكيت امنه ومن لونه =في عداله وفي تعزيله
جل من قامه على اركونه =فايج حسنه وتكميله
لي ايتبرق فيه من بونه =ما ايلام القلب يا ويله
كان ما تلقى عنه مونه =غير وامرادك بتعني له
مد حبل الصبر من دونه =لو تشوف القلب ينحي له
من عرض نفسه ايسومونه =لو ايسام ابرخص لا حيله
والتيافي هوب من هونه =صابني قبلك تمليله
شلت حمل ما ايشلونه =م الهير واتعبنيه شيله
لي جتمت وخفت يطرونه =بينه قلب ايباري له
كم عذاله ايعذلونه=مايطيع لشور عذيله
يوم تتعادل لي وزونه =ياه ما غير له اميله
شين واهزورى ايعرفونه =هوب شين إلا تدليله
من هواه النفس ممحونه =زد عن غيره اداري له