قصر بني فى سعد لعصور =يالله عسى انه عامر سنين
بامر العزيز وطيب الشور =لي ركبه في جبلة العين
ايحير الناظر ولفكور =كنه بني من طيب الصين
هذا الذى يطرا ومشهور =وايعد من سكن السلاطين
م الكهربا ياضى به النور =داخل وفي طرز اللياوين
والحوت لي في وسط لبحور =على سنا نوره امرابين
قصر لكنه خزنة الحور =لي كاملات الحسن والزين
عاشن طلايع مالهن جور =بطبوع واخلاق ونزهين
ايرحبون لمن لفا ايزور =قراب لو م البعد عانين
تلقى الكرامه لي لها ادثور =يبطي امحطط في المواعين
فيه النسايم وين بدور =اظنها يت من بساتين
لي من شذاهن يملة اعطور =عود ودهن عود ورياحين
يا رب يللي خالج الطور=يا مجيب من لك دوام داعين
اتجير سكانه م لعثور =واتحرز مجبلهم بياسين