صاح الزقر لمنادي بهدوفه يوم الوعد وصل
يتك الهين تنقاد مزفوفه يالغر لمعزل
لك عدلوا ليواد بصنوفه دش ماله مثل
عادات لك تعتاد مالوغه شد وركوب اذلل
يوم الفير متبادي في شوفه بد ورفع الحمل
على سمح الأيادي مكلوفه ما بيدها محل
يوم الظعن منقاد بخطوفه يتهادى بالمهل
يتمايل بالبراد بحوفه مافي نسيمه طل
مر الضحى بالساد بزروفه ما عزم بالنزل
دون احظفه لبلاد لمنوفه وين احمر الرمل
حضيته بالوداد وآلوفه من يوم اهوه طفل
خوفي من الحساد لا اتشوفه واتحوزه من قبل
بو يادل وراد وزلوفه لو ماير الكحل
كل من بدا باحقاد بلطوفه باديته بالسهل
ماخذنيه بالجادي والروفه لو ما دست الزلل
هو منتهى لمراد واشفوفه وهو الولف والخل
له خالفت الأيادي مجتوفه وارضيت له بالذل