يا الله يللي ما لنا حد غيره =يا من له القدره على كل تدبير
يا خالق المخلوق وانت مصيره =يا فارج الشدات يا رازق الطير
فرد صمد كل الملا تستجيره =رب على لعباد رواف ومجير
تعز منهو نيده في مسيره =زعيم رقى بالعز روس الشناظير
بهدى نصيحه والنصيحه بريره =والهدف واضح والمعاني بتفسير
قال الذي عبر لكم من ضميره =عن الاتحاد وما يسوده من الخير
اتحادنا جانا على حسن سيره =من فضل إمارت الخليج المغاوير
إللي بنوا ساسه بحلم وبصيره =حرار جبل حوران والهم مواكير
ربي جمع شمل الشعوب الغفيره =وعنا الظلام انزاح واقبل لنا الخير
وذاعت بنا الاخبار في كل ديره =واصبح تهنينا ملوك وجماهير
يا اهل الخليج العز جاكم بشيره =علم اتحاد يهتف به صبح وعصير
والعز تبنيه اليدين الكثيره =وطير بلا جنحان ما يقدر ايطير
والعز يشرى والمذله حقيره =وما قدر الوالي على العبد بيصير
نحن لكم جيش وانتم ذخيره =سيروا ونحنا من وراكم طوابير
والوطن ما تحماه كود العشيره =ابدمها تحماه من عود وصغير
ومن سوده نثيل وشرق لين الفجيره =سرنا اخوان بدون شك وتفكير
ويوجب نوقف صف في ذا وغيره =لا نستمع للفاظ وكثر الاشاوير
والعز نور وله دروب عسيره =دربه صعود ولا تجيبه محادير
درع الوطن يا بن الوطن صر مصيره =لا تتركونه يالعيال المناعير
إن كان ما قمنا بعزم وغيره =نمسي ونصبح كالطيور العصافير
نشكرك يا شيخ على الشعب خيره =مسبل شرى نو قنونه مزابير