بدينا باسم رب العالمين=إله واحد فرد ودود
خلق الانسان من صلصال ماي =خلقه وصوره باحسن وجود
وعقبه دار فكري للكلام = بيوت الشعر في صدري ورود
أقرعها شرى قرع الحيام =تشوف الماء وشفقه للبرود
واوجهها لمن هو يستحق =نقول القول ونزيده شهود
نديبي دن لي بنز جديد =جديد الطرز للرقله يحود
له الهيكل يشوق الناظرين =يشابه له عروس بين خود
دفعت اما وانهج عليه = حماك الله من شر الحسود
إلي من جيت بوحشي ولف =مثل ريم من الزيله يحود
ولي من عاد له يرقى طريف =تعبن مفرق فوقه جنود
وأشر بالاشاره لليسار =مع خط يضربك النفود
مع خط المدينه يا فطين =لديرة بن بطي زاكي الجدود
تعين مجلس مفتوح بابه =وهشال الخلا وسطه قعود
وبتعين دلال البن فيه= تقند بالحبش وبطيب عود
وصحن ينسحب ظهر وعشيه =تحت خرفان والا عيال قود
وبلغه الرساله والسلام =عدد ما ذعذعت م الغرب نود
على بوسيف بن حامد محمد=لكساب الثنا فهد الفهود
أنا آمجد الطيب بفعله=كلام الحق ما عنه صدود
بناها بن بطي دنيا ودين =عسى دنياه في الدنيا سعود
كريم من نسل ناس كرام =عساه يدوم إلنا في الوجود
ختمنا بالصلاة على الرسول=عدد ما هزت الانواد عود