سقى الله دار قرها الشيخ زايد=حقوق من الوسمى مع وقت سونها
نشا نوها من حد المغيب واقبلت =على دار بو سلطان رست مزونها
أسقت بطين الرمل والسيح واليوا =وعلى بوظبي والعين هدت حصونها
دار حكمها العاهل الشيخ زايد =حكم بالعدل فيها ورقى فنونها
ياما عطى ياما جمع من قبيله =على سيرته لي كلهم يشكرونها
جمعهم وصار لهم زعيم وقايد =وعلى خيره الماشي تحاسن ظنونها
يعسفون زينات الاصايل وتنغدا =لاجله يلي من زارهم يركضونها
قد حيلن في شف جده ودرهمن =عليها نشامى فى اللقا يذكرونها
نشامى تلبي فى ملازم زايد = تحت بيرقه اروحهم يرخصونها
لي جا نهار فيه صايح وريبه=يردون حوض الموت ما يقرعونها
ياما شعوهن في متامات جده =ودار العدا لو نازحه يوصلونها
ياما وردوا من مورد هاله النقا =وبناديقها لي قاوعت يقسمونها
خطرها تجيب الفيد من ساحه العدا =سمر الذار معتادهم يكسبونها
وذا الحين راح الوقت لي فات وانقضى =وبدبرة المولى تساوت غبونها
تجاوزت لحوال في ظف زايد =هو قايد الديره وعمدة ركونها
ريف على اللي لاذ به عن هظيمه =وكل النحايا سمعته يشكرونها
يا ما عطا من غالي المال من سخى =يوم البقايا مالهم يكنزونها
عسى تمهل له ليال طويله =وعياله اللي خطته يتبعونها
اسرة نهيان على الجود والوفا =سلاطين ديران لهم يمكثونها
يا ريس الدوله لك المجد والثنا=بابو خليفه يا سفرها وزبونها