سميت باللي خالق الشمس والسما=وعسى ذا الليالي كل عام تدور
ليال تبشرنا بعيد وفرحه=وغدت عند لي منشي السحاب سرور
ليال تجدينا وحن نجتدي بها=براي الزعيم اللي يعقد الشور
رسم خطة الوحدة وهز اتحادنا=وعيده عسى انه كل عام يدور
أسدها فهدها كاسب المجد والثناء=يلولاه حامت في سمانا نسور
صبور على الشدة ولا يقبل الخطا=يضد الخصيم وللصديق برور
ياما عطت يمناه من جزل العطا=ملايين والا نايفات قصور
وبساتين خضرا ما يوصف مثيلها=هواها يلي خب النسيم عطور
مجدي سفينتنا على العز والنقا=براي يودي للسلام عبور
لولاه ما صار اتحاد ووحده=ولا رفرفت وسط البلاد نشور
يلي عاد لك في المجد ساس وملتزم=وتوافيق من المولى وزين بشور
تهي لك الدنيا على كيف ما تشاء=وتخضع صعبات الأمور حضور
أبوظبي دار العز والعز ينشرى=وعلى ساس مبناها الرفيع صقور
نهيانية تاريخهم شاهد لهم=على عصر وايل من قديم عصور
لهم بيرق يوم اللقا تنطح القنا=على ضدهم يوم الزمان غيور
سعوا في مناكبها بحظ وهمة=مع بني ياس وجندهم منصور
وذا الحين تبغي طايل الشبر زايد=موطي صعبها والبقايا خمور
أنا أقول في ولد الأسد ينشا الأسد=وعسى في عياله ما تضيع هزور
وترى من زرع في خصبة القاع ما خسر=جنى من حصايدها العجيب تمور
ولا تقرب الصبخة اللظية تراها= جحود لهطال السحاب نكور
عسى الله يسقي ديرة الشيخ زايد=بنو يلي غاب الرقيب مطور
تشتي هياله بين طف وداغر=وعلى شطه البارد تبيض طيور
مداهيل بدوان وحي يقرها=يلي عمها الوسمي وفيها قفور
تذكر بها الأوصاف في كل ديره=جوانس بها طيب وفيها خور
على عصر زايد الأولي هوب عصرنا=هما الغيث وتربه جسام الخور
وذا الحين صارت به قرايا ودوله=وخير يبا لوجه الكريم شكور
وعسى الله يسلم والي الأمر زايد=ذرانا وقايدنا لطيف برور
يلولاه ما صغت المثايل وقلتها=جواهر بيوت في سجل حيور
وصلاتي وتسليمي على الهادي الذي=شفيع أمته يوم انبعاث حشور