يقول من قال المثايل بجيله =ويقطف ثمرها يوم يظهر لها زهور
من كوكب جمه يصدر نهيله = لي صار في جوفي دواكيك وفكور
واقصد بها شيخ الوطن والوسيله =ذخري خليفة لي له الطيب مذكور
باز خذا درب المراجل فصيله=من ساس جد ومنقع الطيب ماثور
من لابه تثني نهار الوهيله =وحكم تجدد له تواريخ وسطور
شيخ رقى بالمجد راس الطويله =ريف الضعيف اللي مطاياه ما تثور
يعيش بوزايد سنسن طويله =وتازم حياته كلها افراح وسرور
ولد الزعيم اللي منجي الدبيله =اللي بنى للمجد رايه ودستور
حرز الزبين اللي مقطع شليله =يا من بهم ويبات راقد ومسرور
اللي عطاياهم كبار وجزيله =وادنى عطاياهم عمارات وقصور
الله يحفظ اهل الوفا والفضيله =بنصر من المولى بجيش وطابور
درع الوطن ذخر لشعبه ونيله =لي جمعوا شعب مفرق ومنثور
جمع على الطاعة وعز ودليله =وخيرات تبغي زود حمد ومشكور
عطية من خالق ننتمي له =وتصريف من وكل على الأمر والشور
زعيمنا لي شال كل الثقيله =صعب المراجل لي مسيس لها دور
وولي عهد سعد من هو دليله =نار حرار لي يرجع له الشور
غيث الشعوب بكل جهده ونيله =اللي جلا الكربة وساعد على النور
يا ما التقى من كل فايع قبيله =واللى وزاهم من العسر طاح فى الخور
من الجبل الاخضر ايلين العقيله =حدايق متنوعه خير وتمور
بامر الذى عسى حياته طويله = العاهل اللي طال عمره وماجور
وصلوا على من صح في الكتب جيله =نبينا لي قام بالهدي والنور
اعداد نجم في السما نستخيله =وايام الاشهر كل ما تهل وتدور