بديت باسم الله منشي غمامه=سبحانه الفرد الصمد في معاليه
واصيغ نظم الشعر وانقى كلامه =قاف فريد صايبات معانيه
ينقل سلامي فى حنايا نظامه =منصاه من هو صادق القول بعينيه
نائب ولي العهد عالي مقامه =نال الثقه والصادق الله يعطيه
مبروك يا تاج الشرف والكرامه =يا نسل شمغوم تعلت مراقيه
قايد سفينه دارنا في قتامه =لين اسفرت في مامن من مراسيه
زايد رفيع الشان والعز شانه =والنا الفخر لي رددوا الناس طاريه
والنا الفخر بك يا سليل الزعامه =والليث ياخذ م الغضنفر مواريه
يا فرح عود ما تشله عظامه =قفوا هله وتنكروا له عوانيه
ويا فرح من تعلي سواة الحمامه =على يتامى وراعي البيت تبكيه
ويا فرح مسكين دهنه سقامه =لا له ولي ولا كفيل يراعيه
ما يشتكي من لاذ بك من ندامه =لي من وطاه الضيم والوقت حاديه
يلقى الفرج في فزعتك والسلامه =لو هو مصاكيك المطاليب تتليه
فيك الشجاعه والكرم والشهامه =وطاري إلي من ذكر والنعم نثنيه
نهديك ونحييك حب وكرامه =ونقول بوخالد عسى الله يحيمه
وصلاة ربي في توالي ختامه =علي النبي الهاشمي عد طاريه
ما فاع فوع من جراد التهامه =وما لاح براق تعقرب لواظيه
وما ناحت الورقا براس العدامه =وما تنقل أرياح العواصف ذواريه
على شفيع الخلق يوم القيامه=من تبع نهجه لازم الله ينجيه