يقول اللي يبارك للمعزب في الحيا لي طاح =بغيث بده المنشي على ناس يعبدونه
صباح الخير يا ديرة سرور كلها وافراح =سيول غطت الوادي ونو مدهم لونه
مطرها ساكب وبله يزاغيبه هبوب الرياح =يعدله كوسها البارد وهله مرهف مزونه
على بلدان بو راشد طويل الشبر والمشواح =كريم شايع ذكره حليف المجد من بونه
يعم بقدره الوالي ويسقي دبي والابطاح =يلي قامت مخاضيره فريق الحي يرعونه
أنا بطلب على شانك يلونا مدهلى منزاح= شيوخ الدار والديره وخير تستحقونه
غريب الدار لي جاكم بحلو مشاهدك يرتاح =يحس بقدره الوافي وما تيد به ظنونه
عساك مجار م الشده وعشق لو كنيته باح =وطاكم ما وطى العالم شرى ليلى ومجنونه
صويب الحب ما يرقد ولا يسكن به الممراح =وقدا ما ينتحي قبله تخيل البارق عيونه
مديم يكرر افكاره وتحية خاطره ينساح =شرى المديون لي معسر ومرح راعي ديونه
ونفسه لو مع العالم تجيها لوعة وطماح =يعذره من مشى مثله على فاله يخلونه
ترى لي هاض ما شفته بيوت في البيان اوضاح =بداها حاكم المعنى على كيفه ومازونه
تذكرني عن الماضي زمان قد مضى لي راح =بحب اللي لهم روحي الين اليوم مرهونه
زمان فيه بدوا تشد ويتبعون إلقاح =ايلي من ذعذع البارق نبات العشب يرعونه
وعزيب الذود في القافر معاها الراعي المصلاح =ايلي من ناحت الورقا وكابر عشب بينونه
صويب الحب مطروح بليا خنجر وسلاح =يلي صادف هوى قلبه من الخودات مزيونه
عليها جادل منحي ونهدين كما التفاح =وسهم الموت لو برق يشاف بحاجر عيونه
لذيذ الحكى ومنطوقه حليب في نظيف اقداح =لبن شقر مع قونس يغذي لي يذوقونه
زعيم الخيريا يا كاسب جزيل المجد والامداح =انا لولاك ما شاركت في ذا القاف وفنونه
أمثل لك عن الدنيا وطرد القايد الميضاح =ترى قنيصكم قادر على شي ترديدونه
الا يا سيد الساده عساها لك سعد وافراح =حبيب الدين والمنيا وشعب ووفد ينصونه
وصلى الله على الهادي عدد ما خط في الالواح =شفيع الخلق فى المحشر نهار الوقف يرجونه