أهلا بشباب النادي=لي يعرفون النظام
هاتوا خبر الوكاد=ودوا مني سلام
يبلغ نسل الأمجاد =لي بالمعزة قام
شيخ حمى لبلادي=حكمه علينا دام
في كل يوم ينادي =تنشر صحف الإعلام
أحيا تراث أجدادي=لي من سنين أقدام
الجو كله هادي=واسفر عقب الظلام
يعل المطور اتسادي=عام يلاقي عام
من مطلعه قصاد=وامسو له قتام
يسقي عليك الوادي=الهزع ويا المقام
يا ما حضر وبوادي=شدوا عليه خيام
ان جيتهم قصاد=نشوا لك بإحترام
ياما وردت الساد=أوفي الرشا بخطام
واليوم كله زاد=كل الحياة أنعام
غنت طيور الشادي =الورق ويا الحمام
صوت سلب لفواد=وقضني من المنام
إنس وهنا واسعاد=من الخالق العلام
الله يعز بلادي=زايد علينا دام
هو ذخر وهو سناد=وهو ملتقي الإسلام
في كل يوم ينادي =تنشر صحف الإعلام