ركبنا على اللي ساقه القرم ين سعدون=جديد اللوابل والطاليب جابنه
يدوس الجعايد كنه يرقى بروس قرون=على كيفتي يا مسندي كامل الهنه
وصلنا عليه البعد واليادل المزيون=وفراقين بدو من ورا يابس الشنه
عليهم تهل العين وابطا الحشا مطعون=وهواجيس من فرقا المحابيب يرسنه
تخالف شرات الطرش يوم العرب يسقون=مع كفة المفراع في لاهب الكنه
نهار الفراق الشين باليتهم يدرون=شبحني وانا مقفي وجرحي غدا منه
عديم الوصايف لي ترقى بكل فنون=جمال وتراحيب يلي جيت ناصنه
عسى الله يسقى دارهم كل ما يمسون=جنوب وشمال وغرب حقب يدوسنه
يهمل اللقاح وفي مداهيلهم يجزون=ولي جا المعالم قال ما ينشد منه
أنا لو جحدت الكون وراعي الهوى مفتون=يلي سج ترفات الصبا ما يخلنه
يجنه بزين امسال ومساولات لحون=سوا صدق والا بأي خزله يداهنه
وكني خلوي قربوا غيدها من دون =تذب العلا وترد يوم اذهبت عنه