يوم المراعي قد رعينا على كيف=ذود نقلط درها للمناعير
ونذبح ولدها لي ضوى هاشل الضيف=يوم الشحايح والليالي المعاسير
عندي عليه شهود ما هو بتزييف=ولا حن ندور به كثير التفاشير
ذود حشام نايبات المشاريف=ما هيب كنها قعيدات المحادير
بكر عليها الوسم في نقرة طريف=وشتت حذا المنقور ولا حذا نقير
صفر سواة الشيح والها تكاليف=خزايز اللي ما يهاب المقادير
والها تحملنا كثير المصاريف=نطعم غواليها على بر وشعير
من فضل بو سلطان حامي الاطاريف=ذخر لنا وموفر الخير توفير
وان جاد فينا الريع كيف على كيف=في دارنا ياما رعينا مقافير
ومن راح منهم جاك في موسم الصيف=متوسق الحلة وربعه مداوير
وان جا الشتا لا تصيبهم بردة عريف=يوم الحطب طرفا ومعه الخواوير
حافظ على غض الصبا الترف م الهيف=لي دبروا به فوق عجل المظاهير
كل يوم له شدات حافي وطنيف=وان مرحوا كساع وجه المعاشير
بو مضمر منصوف فوق المزاليف=سبيب شقرا ضمروها المشاوير
زين القدم بو حجتين معاطيف=لي دبروا به في نجوع المناصير
قفا مع بدو تمثنوا خريشيف=إللي جذبهم قايد الرجع والخير
ربعي بني عمي هل الفجر والكيف=واهل القراش اللي كثيره مغاتير
عيني لهم لي قادهم بارق الصيف=لي جدروا من الحبل صوب الجوافير
ذيرانهم تنتع يلي لاعها الهيف=تذكر مداهيل لها والمصافير
شقر معاها من الحزامي مصاخيف=هزع الفقار اللي اذنيها كوافير
تمت وصلى الله عدد طايف الطيف=عد لحلوم وعد كتب التفاسير