ثلاث سنوات يعلكم السيل يا عتاب=حقوق الوسامي باول النو يسقنه
بلاد الكرم وبلاد لي مدلهه الاغراب=كرمهم سخا ما فيه قاذي ولا منه
عساهم معزه لي بنى البيت والمحراب=ودعى النفس تدي واجب الفرض والسنه
كرمهم مثبت يوم عدها تكد اركاب=وبحاحيرهم من قبلة الصير والظنه
هل الصبر وهل المجد والوقت هذا طاب=بقى لي بقا واللي رحل يعله الجنه
زمان تشوفه خير والراس منه شاب=يغير الغشيم اللي مكاويه يكونه
أنا كل ما مريت منزل حبيب غاب=توقعت ما جت به ليالي يشلنه
زمان الطرابه والمراعي وشوف احباب=وضو الحطب وفصولها لي لها بنه
وريح الغريره يوم زل العتيم وطاب=عد سهيل باقي ما تقرب على الكنه
ونجر يدق وفي المجاهيم صوت ركاب=خلاين ضوا واللي سرى صوتها حنه
وانا شف بالي من الحنازيب زري اشباب=تلايد عرايس والبقايا مشرنه
فحلها سواده لي بدا لك جناح غراب=هدو عند منعور مثاويه في الجنه
فحلها المهدد لي ذنيها تقول حراب=حريش الدواسر برك ليل مضونه
مهاوي دياره من الوريعه إيلين قناب=مع قونس غزلان شتى يربنه
ويا بوقسيم نشوفكم وانتهى المعزاب=وعساكم بحفظ منزل الحق والسنه