هلا بالجواب اللى لفتني مثايله = واما يقوله بو عزيز حقيق
شكا لي ولا دونه ذخيره ولا ذخر= ولا ينخبى فعل خلاف صديق
على صاحب ماجذ من دونه الرجا= مع عصبته ثوب الحرير رقيق
ان جابه التسويل والزين والجدا= والا وخيذه باغتصاب طريق
غصب على الراضي وغصب لمن زعل = يلي صار لمجارا الحديد صفيق
رفيق يراعي لك على البعد بالرجا = فلا تمتثل دونه تحط رفيق
إلا الرفيق اللي يدور بدالك = يقطك كما قط الهدوم عتيق
ولا رجا تتليه وهو مقفي = ولا تصير في لا ما عليه شفيق
تبدل رفيق المول والوقت لولي = كما بدلوا فوق الركاب عنيق
ودنيا تحيل اللي نوى له يحليها = ولا لها على الغايه يدوم عشيق
يا مسندي تنشد وتدرى بضياعك = تحت المغيب ورحت باقصى مشاريق
ضياع تماهل به ولا عاد تطلبه = يكزي على قوم خلاف صديق
تخبرتني من ضمن ست بوحده = عطايا جليل الملك رب المخاليق
الواحد الي له نصلي ونطلب = والحظ لي من جاد جت له توافيق
وان بار بك ضيع مجاري دليلك = خلاك تنزل من عيون المطاليق
والثانيه اوصيك في ما يخصك = احرص على التقوى لمولاك شفيق
والثالثه اوصيك بالجار والخوي = والضيف لي جت به دقاق المعانيق
والرابعه لي صرت نادر وعارف = قاري الكتاب وكل هذى توافيق
وعطايا الكريم ركونها مالها عدد= ولا لها قصى بأيا سبيل طريق