مرحبا بقاف لفاني = عند ذربين المعاني
عن جديد ومن زمان= ومن حبيب ومن شريف
مرحبا عد الخيال = عد ما سوا هيال
والحصا ويا الرمال = غالي عندي وكيف
بشرونا بالهيال = وانبسط راعي الحلال
بين شدات ونزال = عقب ما قلبه ضعيف
زان علمك يا بشير = إنت بالغايه خبير
لو على الهامش تسير =والموده حلم طيف
جاك من صوبه نبيبه = لي دعياته صعيبه
واعنا قلب بلي به = يجعل الراقد خفيف
لو تقوله بالعماله = وانت ما عندك كفاله
مات عله واش جرى له = الحكي لو كثير زيف
يوم كل له لزومي = مقصدك تسعف عزومي
جعل تفداك الرخومي = عيد هشال وضيف
انت فيه وش بلاك = جعل عدوانك فداك
وهذا حال ما خفاك= لا تطري لي وليف
مرحبا براعي السؤال = عد ما مجد جمال
عد جمع من رجال = من نقل بندق وسيف
قد لي يا بوعزيز = مخطر والدرب شيز
باح مني كل ميز = وانت بالغايه عريف
نرتجي والله كريم = جي بو خصر هضيم
لي على متنه بريم = ينغذى طيب نظيف
ينغذى من دهن عود = كن براده ريف نود
ينثره فوق الخدود = جادل دربه عفيف
جيهم عندي سعود = يوم باعق البرود
فوق لي يشق النفود= أزرق سفن وفيق
حي من جاب السلام = وابتدا السلام به للنظام
قاف والكاتب تمام = نقش زل في شنيف
مثلكم تخفون ما بي = لا يزيد بي الصواب
كل جرح فى غاب = قاتم وهو عنيف
بدكم صوعة ركاب = شرحكم الجواب
وطلع فوق لهضاب = كل مذروب منيف
صابر صبر جميل = مثل لي يدقل هزيل
يرتجي الله والمخيل== مرعد نوه قنيف
صابر والصبر فات = داخل الجوف عبرات
ليت من قبل الممات = يجتمع هو والوليف