قم يا نديبي وارتحل فوق لندالي=جديد يكمل لاليته عن قصورها
جديد عليه دريول يقطع الخلا=يسريه لبن انقاد للصبح نورها
يعطيه مسراحه ومضواه م العصر=قرم ينجي الجاثيه من عثورها
ماجد زبون الجيش لي جاك ضمير=كريم سبلا في ليالي عسورها
تعطيه يا مندوب مني رساله=وتحية من خاطر ما يبورها
وسلام أحلى من لبن شمخ الذرا=حنازيب عرب ريعت في قفورها
وقل له نحن ديرة الشيخ زايد=في ديرة اللي له تخاضع نمورها
في دارنا اللي حقنا منها الوفا=لنا الزود والعاهل عليه مخسورها
نحن جندهم والدار لله ودارهم=يعلم بها تاريخها في سطورها
نحن باديه والباديه تبع شيخها=ولا بدلتنا سيرة من عصورها
ولا بدلتنا سيرة مثل غيرها=على خوة لا فاصل في فتورها
نعرف العدوا من صاحب الحق والوفا=وندعي الافاعي غلها في صدورها
نعرف الحقوق وحقنا ما خذينه=وفا بالتمام وعند وافي شبورها
حقوق بذلها العاهل الشيخ زايد=ملايينها اللي صدرت في كرورها
مع بيوت شعبيه تناوف مسلحه=موزع لها الكهرب وتمشي نهورها
ورواتب تمشي لمن يستحقها=لشبانها والعايله مع بزورها
ومدارس لابن الوطن مستقيمه=ومواصلات ما يعد مخسروها
ومكاين في باطن الرمل والقفا=تطارخ قراوتها سقت من يزورها
فضايل من العاهل الشيخ زايد=نشر خيرها لي عاضها في قصورها
فلا هي تبا غيره وهو مستحقها=سفرها قمرها كوكب من بدورها
خذها على ثر لابة ماخذينها=لي جدهم فيها مشيد قصورها
هل الخيل لي تغدا هل المدح في اللقا=تنوس الحريب اللي تعلو ظهورها
مع جندهم منصور لي جات من العدو=لي جا نهار فيه دورة فكورها
أهل ضمر عقيدها ما يمرح=جنبها ورا الحلة وترعى قفورها
وبني ياس ورجال الظواهر وجمعهم=صناديدها في البر والا بحورها
لهم نيرة يفرح بها هاشل الخلا=هل السمت واهل الكيف واحسن بشورها
واولاد منصور يلي قبل حقهم =صقور على ظهور النجايب وكورها
مناعير فرسان على الخيل والنظا=لواتيب مطعنة العدا في صدورها
هل البل هل الزلبات لي صاح صايح=لي زعزعوا مقهورها من قفورها
لي كلحت لنياب ينعد فعلهم=لي صبحوا تكبيرة وقت نورها
لهم عزوة يفرح بها راعي الطنا=اللي تقصف بخشها من سحورها
وذا الحين عاشوا في ذرى الشيخ زايد=اخوان وهو يختص في كل امورها
نقل حمل من قد كان حمله يشيله=تبرع لها والقى بها من ظهورها
تمت وصلى الله على سيد الملا=شفيع امته الي بعثرت من قبورها